VIGAN CITY- Saan pay laeng nga ammo ti Bureau of Fire Protection – Bantay nu naigagara wennu aksidente iti pannaka-uram iti maysa a nakaparada a kotse idiay Guimod, Bantay idi alas dyes dyes ti rabii ti March 30 a kukua ti nakadungpar iti tricycle idi napalabas a bulan iti nasao met laeng a barangay a nakatayan ti agassawa.

Inbaga ni Senior Fire Officer 2 Everey Ragun, chief investigation ti BFP-Bantay, a ti bassit a rungrong iti sigarilyo ket mabalinen a maka-uram iti kotse wennu anya pay a banag isu a saan da nga ik-ikkaten iti posibilidad na a naigagara ti pasamak nangruna ket nakaparada met laeng iti igid iti kalsada ti kotse.

Malaksid iti dayta, awan pay laeng iti patta-patta da a pakabuklan a gatad iti nadadael ta saan da pay a nakapatang iti akin-kukua ti nasao a kotse.