ROXAS CITY – Madamo sang negative feedback nga nabaton ang City Comelec officer sa pagrekorida kag caravan sang mga salakyan sang mga kandidato sa una nga adlaw sang campaign period kahapon.

Suno kay Atty. Jomar Betita kadam-an sa mga nagpalab-ot sang mga feedback ang mga empleyado nga na-late sa ila nga trabaho, bangud sa perwisyo nga gintuga sang mga nagarekorida sa trapiko.

Magluwas diri, ginreklamo man ang tuman ka tunog nga bass nga yara sa nagarekorida nga mga salakyan.

Madamo man ang nagapamangkot kun ano oras mahimo magsugod kag magatakup ang pagrekorida sang mga supporters sang kandidato, bangud perwisyo sa nagakatulog nga mga tawo ang pagrekorida sang alas 4 sang kaaganhon.

Bangud diri, ginganyat ni Atty. Betita ang mga nagareklamo nga magpadulong sa ila talatapan kag pasakaan sang kaso ang pasaway nga mga nagarekorida kalakip na ang mga kandidato, bangud ang indi ensakto nga pagrekorida ang makabig nga nuissance.