KALIBO, Aklan — Ginaistudyuhan pa it Department of Public Works and Highways (DPWH) ro pagpatindog it tulay sa isla it Boracay.

Ginpahayag ni DPWH Sec. Mark Villar sa anang pagbisita sa isla nga uwa pa nanda natalakay ro proposal it sangka kompaniya nga planong magpatindog it tulay nga magasugpon sa Boracay ag Caticlan sa banwa it Malay, Aklan nga nagabalor it kapin sa P3-billion.

Gin-insister it sekretaryo nga prayoridad makaron it ahensya ro pagpaeapad ag pagsaayos it karsada.

Nagpangayo man raya it pasaylo sa mga turista ag residente bangud sa maalikabok ag malubak pa ro pilang parte it karsada tuga it nagapadayon nga construction.

Ro sekretaryo hay nagtambong sa nationwide conference it DPWH regional directors sa bilog nga nasyon nga ginpatigayon sa isla.