Tacloban City – Ginpahayag han usa nga senador nga kinahanglan pakusgon hiton mga parag -uma an industriya han cacao ha Eastern Samar.

Sumala ha nagin mensahe ni Senator Cynthia Villar, ha ginbuhat nga political rally ha Guiuan, Eastern Samar dida han nakalabay nga Biyernes, ginpahayag hini nga  hibubo kaupay an produksyon han kakaw ha Pilipinas kon diin diri kaya han nasod nga makab-ot bisan an lokal nga demand hini.

Subay ha datos Department of Agriculture, an average local annual cocoa demand in maabot hin 50,000 metric tons (MT) kada tuig pero an lokal nga suplay hini in maabot la hin 10,000 MT kada tuig.

Mas maupay daw nga magtanom gihapon an mga parag uma hin kakaw ha ilarom han mga lubi para may ada hira kadugangan nga income.

Dugang pa han sendora nga lalauman nga maabot hin 4.7 million kutob 5 million iton global demand han dried cacao beans pag -abot hiton 2022.

Ha pagkayana in Indonesia pala an nagsusuplay hin cacao beans ha world market.

Para maabot an production target, kinahanglan magtanom an Pilipinas hin maabot 100 million nga puno hin kakaw.

Kon mananabo ini iton Pilipinas an magpupuno hiton supply gap hin kakaw ha world market.

Masayon la liwat ini tamnon tungod nga nabubuhi ini bisan ha ilarom han puno han mga lubi.

Gintagan gihapon hin duon han senadora an importansya han Senate Bill No. 320 o kon “Cacao Industry Development Act,” kon diin panuyo hini nga magmugna hin national program para ha industriya han cacao para mas mapaupay pa an competitiveness han mga parag uma nga Pilipino.