KALIBO, Aklan—Nasapwan nga nagakaya ag uwa eon it kabuhi sa sueod it anang kwarto ro sangka Estonian national sa Sitio Diniwid Barangay Balabag sa isla it Boracay.

Ginkilaea ro biktima nga si Toomas Teder, 54, sangka kiteboarding instructor ag presenteng naga-istar sa nasambitang isla.

Base sa inisyal nga imbestigasyon it Malay Police Station, ginhana sigon imaw nga pukawon it anang amigo ag kaparehong kiteboarder apang uwa eon raya nagahueag kon siin kat ana nga tan-awon hay sangka matig-a ag maeamig eon raya nga bangkay.

Sa makaron hay nagapadayon pa ro ginahimong imbestigasyon it Malay PNP ag Scene of the Crime Operatives (SOCO)-Aklan sa minatuod-tuod nga kabangdanan it pagkamatay ni Teder.