ROXAS CITY– Tuman ang kalipay sang mga mangunguma sa Capiz sang ila nabaton ang 549 Emancipation Patents (EPs) kag Certificates of Land Ownership Award (CLOAs) gikan sa Department of Agrarian Reform (DAR) para sa ila nga ginasakahan nga duta.

Magluwas sa EPs kag CLOA nga ginpanagtag sang DAR ang nakabaton man sang dump trak kag tractor ang mga mangunguma sa idalom sang Agrarian Reform Community Economic Support Services sa bulig man ni Presidente Rodrigo Roa Duterte.

Nahibaluan nga naglab-ot sa 457 ang mga benepisyaryo sang nasambit nga programa.

Suno kay DAR Secretary Atty. John Castriciones, ginpahayag sini nga nagapati siya nga isa ka matuod nga baganihan ang mga mangunguma gani dapat lamang nga mahatagan sila sang pasidungog bangud sila ang matuod nga mga Pilipino.

Tuman naman ang pagpasalamat sang mga mangunguma sa Capiz kay Presidente Rodrigo Duterte bangud sa paghatag sang importansya sa mga mangunguma.

Samtang ginakabig nga utang nga kabalaslan sang mga mangunguma ang paghatag sa ila sang titulo sang duta nga pinakauna nga bulig nga nabaton gikan sa gobyerno.