KALIBO, Aklan–Kapin sa 67 kiteboarder halin sa nagkaeain-eain nga nasyon ro nagpakitang gilas sa Boracay leg it sangka international kitesurfing competition nga una sa pang-an-om nga dag-on eon makaron.

Suno kay Marsh Gersbach, chief judge it nasambitang kompetisyon, ro event hay ginpangunahan it Philippine Kiteboarding Association.

Ginpatigayon ro kompetisyon sa Bulabog Beach sa likod nga parte it isla nga nauna eon nga naging kontrobersiyal matapos madiskubre ro mga maeagkong tubo nga direktang nagapaguwa it higko sa baybayon.

Dugang pa ni Gersbach, sambilog sa mga crowd favorite makaron nga dag-on ro 17-anyos nga Filipino Norwegian nga si Christian Tio.

Matapos nga ginbuksan it uman ro isla sa publiko, gindeklarang eowas eon raya nga mapaligsan.