ROXAS CITY – Pilason ang apat ka mga indibidwal sa natabo nga rambol sa Barangay Poblacion Proper, Mambusao, Capiz.

Ginkilala ang mga biktima nga sanday John Tetuga, 19 anyos sang Barangay Tiza; Vince Villa, 18 anyos sang Barangay Dumulog; Dan Anie Ric Contreras, 19 anyos sang Barangay Lawaan; John Gabriel Amador, 18 anyos sang Legaspi-Ilawod, Roxas City.

Base sa inisyal nga impormasyon, may ginkadtuan nga classmate ang mga biktima kun sa diin nag-inom ang mga ini.

Nagbakal lamang sa tiyangge ang mga biktima kaupod ang apat pa nila ka barkada sang ginapahayag ginsita ang isa nila ka upod sang mga kalalakinhan kun sa diin ang isa diri ang positibo nga ginkilala nga si Stephen Francisco.

Ginpalapitan sang mga suspek ang mga biktima kun sa diin ginpulihan sang kastigo ang isa sa kaupod sang mga biktima.

Gintambagan pa sang magbarkada ang mga suspek apang dimalas nga ginpangbuno ini sang mga suspek nga ginapahayag may bitbit nga talibong.

Sa karon, lunsay naka-confine ang mga biktima sa ospital kag padayon nga ginabulong.